काठमाडौँ, २९ जेठः लगातार घटिरहेको सुनको मूल्यमा आज शुक्रबार भने पुनः वृद्धि भएको छ। नेपाल सुनचाँदी व्यवसायी महासंघका अनुसार स्थानीय बजारमा आज सुनको मूल्य प्रतितोला ५ हजार ३०० रुपैयाँले बढेको हो। यस वृद्धिसँगै आज छापावाल सुनको मूल्य प्रतितोला २ लाख ९२ हजार रुपैयाँ कायम भएको छ। अघिल्लो दिन बिहीबार मात्रै सुन प्रतितोला २ लाख ८६ हजार ७०० रुपैयाँमा कारोबार भएको थियो।

महासंघका अनुसार तेजाबी सुनको मूल्यमा पनि तोलामा ५ हजार ३०० रुपैयाँकै वृद्धि देखिएको छ। आज तेजाबी सुन प्रतितोला २ लाख ९१ हजार ३०० रुपैयाँ पुगेको छ, जुन अघिल्लो दिन प्रतितोला २ लाख ८६ हजार रुपैयाँ थियो।

सुनसँगै आज चाँदीको मूल्य पनि उकालो लागेको छ। चाँदी तोलामा १९० रुपैयाँले बढेर प्रतितोला ४ हजार ८४० रुपैयाँमा कारोबार भइरहेको छ। बिहीबार चाँदी प्रतितोला ४ हजार ६५० रुपैयाँमा बिक्री भएको थियो। अन्तर्राष्ट्रिय बजारमा बहुमूल्य धातुको मूल्यमा आएको उतारचढावका कारण स्थानीय बजारमा पनि त्यसको प्रत्यक्ष प्रभाव देखिएको व्यवसायीहरूले बताएका छन्।