साझा अर्थ संवाददाता
२१ जेठ २०८३, बिहिवार
काठमाडौँ, २१ जेठ: बुद्ध भूमि नेपाल हाइड्रोपावर कम्पनी लिमिटेड (BNHC) ले जेठ २१ गते देखि ४ लाख ७४ हजार ६९६ कित्ता हकप्रद सेयर लिलामीमार्फत बिक्री खुला गरेको छ। लगानीकर्ताले जेठ २९ गतेसम्म यसमा आवेदन दिन सक्नेछन्।
यसअघि कम्पनीले चैत २२ देखि वैशाख २८ गतेसम्म १:१ को अनुपातमा ४० लाख कित्ता हकप्रद सेयर निष्कासन गरेको थियो। त्यसमध्ये बिक्री नभएको ११.८६ प्रतिशत सेयर अहिले सर्वसाधारण र संस्थाहरूका लागि लिलामीमा ल्याइएको हो।
यसको बिक्री प्रबन्धक एनआईसी एशिया क्यापिटल लिमिटेड रहेको छ। लगानीकर्ताले न्यूनतम प्रतिसेयर १०० रुपैयाँ मूल्य तोकेर न्यूनतम १०० कित्ताका लागि बोलपत्र पेस गर्नुपर्नेछ।
